To faste stillingar som seniorrådgjevar i helserettsavdelinga
Ønskjer du å arbeide hos oss i Helse- og omsorgsdepartementet?
Vil du vere med å bidra til utvikling og fagleg høg kvalitet innan område som er svært viktige for samfunnet, og vere med på å bidra til at befolkninga får gode og likeverdige helse- og omsorgstenester? Då kan dette vere jobben for deg!
Om stillinga
Vi har no ledig to 100% fast stillingar som seniorrådgjevar (jurist) i helserettsavdelinga.
Om helserettsavdelinga og arbeidsoppgåver
Helserettsavdelinga har ansvar for utvikling, forenkling og samordning av regelverk innanfor departementet sitt ansvarsområde. Hovudoppgåva til avdelinga er lov- og forskriftsarbeid. Dette gjeld mellom anna helsepersonellova, spesialisthelsetenestelova, helse- og omsorgstenestelova, helseføretakslova, pasient- og brukarrettslova, pasientskadelova, lov om psykisk helsevern og helsetilsynslova.
Avdelinga har òg ansvar for å identifisere og setje igang forenklings- og utviklingsprosjekt på helserettsområdet, utvikle lik praksis i lovarbeid og vere kompetanse- og ressursavdeling for dei andre avdelingane i lovarbeidet til departementet.
Kvalifikasjonar og eigenskapar
Nødvendige kvalifikasjonar:
Søkjarar må
- ha juridisk embetseksamen eller mastergrad i rettsvitskap
- ha relevant erfaring frå arbeid i offentleg forvaltning og regelverksarbeid
- ha god munnleg og skriftleg formuleringsevne på norsk
- minst 6 års relevant arbeidsrøynsle for stilling som seniorrådgjevar
Personlege egenskapar
Søkjarar må
- ha evne til å arbeide sjølstendig
- ha evne til å samarbeide på tvers av profesjonar og avdelingar
- evne til å arbeide effektivt under stramme tidsfristar
- være ein raus og omgjengeleg person
Arbeidet er utfordrande, og vi legg stor vekt på høg fagleg kvalitet, sjølvstende, kunnskapsdeling og gode arbeidstilhøve for den enkelte.
Vi tilbyr
- utfordrande arbeidsoppgåver og gode høve til å utvikle deg
- eit fagleg dugeleg og spennande arbeidsmiljø med engasjerte og trivelege kollegaer
- fem veker ferie, fleksitidordning og gode velferdsordningar
Les meir om å jobbe hos HOD her: Jobbe i Helse- og omsorgsdepartementet
Vi er underlagde lov- og avtaleverk som sikrar dei tilsette ryddige arbeids- og tenesteforhold.
Løn:
Kr 650 000–770 000 avhengig av kvalifikasjonar og erfaring.
Pensjon:
2 % innskot til Statens pensjonskasse blir trekt frå løna. Medlemskapen er ei av dei beste pensjonsordningane i landet, med gunstig bustadlån og gode forsikringsordningar.
Mangfold og inkludering i Helse- og omsorgsdepartementet
Vi er opptekne av mangfald, og meiner inkludering og mangfald er ein styrke. Vi ønskjer å vere ein arbeidsstad som speglar folket, og vi ønskjer medarbeidarar med ulike kompetansar, fagkombinasjonar, livserfaring og perspektiv for å medverke til endå betre oppgåveløysing. Vi oppmodar derfor alle kvalifiserte kandidatar til å søkje.
Vi har eit personalpolitisk mål om å inkludere personar med nedsett funksjonsevne og personar som har stått utanfor arbeid eller utdanning i lengre tid, og vi legg til rette arbeidstilhøva om det trengst.
Dersom det er kvalifiserte søkjarar med funksjonsnedsetjing, hol i CV-en eller innvandrarbakgrunn, skal vi kalle inn minst éin søkjar i kvar av desse gruppene til intervju.
For å bli vurdert som søkjar i desse gruppene, det vil seie positivt særhandsama på denne måten, må søkjarane oppfylle visse krav. Les meir om krava på Arbeidsgjevarportalen
Vi oppmodar deg til å krysse av i jobbportalen dersom du har funksjonsnedsetjing, hol i CV-en eller innvandrarbakgrunn. Avkryssinga i jobbsøkjarportalen gjer grunnlag for anonymisert statistikk som alle statlege verksemder rapporterer i sine årsrapportar.
Vil du vite meir?
Synes du dette høyrest interessant ut og ønskjer nærare informasjon, kan du ta kontakt med:
Avdelingsdirektør Geir Helgeland.
Telefon: 22 24 84 33
Slik søkjer du
Send søknad elektronisk via lenka "Søk stillinga" nedst på sida til JobbNorge.no.
Legg ved vitnemål og eventuelle attestar, og legg inn opplysningar til din CV.
Alle dine personopplysningar vert tatt vare på i samsvar med GDPR.
Unntak fra offentlig søkerliste
I samsvar med offentleglova § 25 gjer vi merksam på at opplysningar om søkjaren kan bli offentleggjort sjølv om søkjaren har bede om ikkje å bli ført opp på søkjarlista.
Om bedriften
Om Helse- og omsorgsdepartementet
Helserettsavdelinga har ansvar for utvikling, forenkling og samordning av regelverk innanfor departementet sitt ansvarsområde. Dette gjeld mellom anna helsepersonellova, spesialisthelsetenestelova, kommunehelsetenestelova, ny helse- og omsorgstenestelov, helseføretakslova, pasientrettslova, pasientskadelova, lov om psykisk helsevern, helseregisterlova og bioteknologilova.
Avdelinga har òg ansvar for å identifisere og initiere forenklings- og utviklingsprosjekt på helserettsområdet, utvikle lik praksis i lovarbeid og vere kompetanse- og ressursavdeling for dei andre avdelingane i lovarbeidet i departementet. Avdelinga arbeider i stor grad prosjektbasert og har ikkje seksjonar. Det arbeider 19 juristar i avdelinga